Trajnim i Këshilltarëve
Në kuadër të mbështetjes ndaj njësive të vetëqeverisjes vendore dhe fuqizimit të organeve vendimmarrëse përmes rritjes së kapaciteteve të këshilltarëve vendorë, është organizuar në dy ditë “Trajnimi Përgatitor për Këshilltarët Bashkiakë”.
Qëllimi i trajnimit është njohja e pjesëmarrësve me legjislacionin themelor që rregullon veprimtarinë e vetëqeverisjes vendore në Shqipëri si dhe me njohuritë bazë që i nevojiten këshilltarëve për ushtrimin e detyrës së tij, si i zgjedhur nga komuniteti për t’i shërbyer atij.
Ky trajnim u organizua nga Ministria e Brendshme, Agjencia për Mbështetjen e Vetëqeverisjes Vendore (AMVV), Shoqata për Autonomi Vendore (SHAV), Shkolla Shqiptare për Administratën Publike (ASPA), Shoqata e Këshillave të Qarqeve (SHKQSH) në bashkëpunim dhe me mbështetjen financiare të Projektit “Bashki të Forta” (BtF2) i zbatuar nga Helvetas dhe i financuar nga Agjencia Zvicerane për Zhvillim dhe Bashkëpunim (SDC).
Drejtimi i Këshillave Bashkiakë
Drejtues të Këshillit Bashkiak Tepelenë kanë marrë pjesë në trajnimin e organizuar në kuadër të iniciativës të Ministrit të Shtetit për Pushtetin Vendor për të mbështetur fuqizimin e kapaciteteve të Njësive të Vetëqeverisjes Vendore, Agjencia për Mbështetjen e Vetëqeverisjes Vendore (AMVV).
Këto trajnime zhvillohen në bashkëpunim dhe koordinim me Shoqatën për Autonomi Vendore (SHAV), Shkollën Shqiptare për Administratën Publike (ASPA), Shoqatën e Këshillave të Qarqeve (SHKQSH), Projektin Financat Lokale, me mbështetjen e Projektit “Bashki të Forta”(BtF2) i cili financohet nga Agjencia Zvicerane për Zhvillim dhe Bashkëpunim (SDC) dhe zbatohet nga Helvetas.
Ky trajnim, si vazhdim i trajnimit përgatitor për Këshillarët e rinj dhe Komisionet e Këshillave, fokusohet në rritjen e kapaciteteve menaxhuese të drejtuesve të Këshillave Bashkiakë, të cilët kanë përgjegjësinë kryesore për mbarëvajtjen dhe kryerjen e detyrave ligjore të Këshillit.
Pjesëmarrësit kanë marrë informacione dhe instrumenta praktike për të përmirësuar punën e tyre në raport me përmbushjen e detyrave, duke u fokusuar në një sërë temash kryesore si: Kodi i etikës dhe i sjelljes, Aktet që rregullojnë veprimtarinë e brendshme dhe konsultimet me publikun, Buxheti i Këshillit dhe Menaxhimin buxhetor.
Bashki të Forta #Helvetas #swiss #ambassy #tepelene #KeshilliBashkiak
